Sipas Ligjit Nr.9121 dt 28.7.2003 “Për mbrojtjen e Konkurrencës” Kreu III neni 10 përqendrime të ndërmarrjeve  kemi ne rastet kur :

• bashkohen dy ose me shume ndërrmarrje ose pjesë ndërmarrjesh të pavarura nga njëra tjetra

• në cdo transaksion, nëpërmjet të cilit një ose më shumë ndërmarrje përfitojnë kontoll,të drejtpërdrejtë ose të tërthortë, të një apo më shumë ndërmarrjeve ose të një pjese të këtyre të fundit

•  kur krijohet një ndërmarrje e përbashkët, që kryen të gjitha funksionet e një njësie ekonomike të pavarur

Përqendrimet janë :

• Horizontale- nëse ndërmarrjet pjesëmarrëse janë aktive në të njëjtin treg përkatës

• Vertikale- nëse ndërmarrjet operojnë në nivele të ndryshme të tregut

• Të përziera-nëse ndërmarrjet, megjithëse mund të mos jenë në nivele të ndryshme të tregut, janë active në tregje prodhimesh të ndryshme. Këto quhen dhe përqendrime johorizontale

Bashkimet dhe përqendrimet mund të jenë asnjanëse ndaj konkurrencës ose, në disa raste, i bëjnë ndërmarrjet më efikase, forcojnë konkurrueshmërinë e tyre dhe çojnë në uljen e kostove, duke rritur përfitimet për konsumatorët. Veprimtaria e bashkimit është pjesë e ristrukturimit industrial dhe shihet si e nevojshme për t’ju përgjigjur sfidave të ekonomisë botërore.

a) xhiroja e të gjitha ndërmarrjeve pjesëmarrëse së bashku, në tregun ndërkombëtar, është më shumë se 70 miliardë lekë, ose xhiroja e të gjitha ndërmarrjeve pjesëmarrëse së bashku, në tregun e brendshëm, është më shumë se 800 milionë lekë dhe

b) xhiroja e të paktën një ndërmarrjeje pjesëmarrëse, në tregun e brendshëm, është më shumë se 500 milionë lekë”.

Përqendrimi që përmbush kushtin e sipërshënuar, (neni 12, pika 1 e ligjit), duhet njoftuar brenda 1 jave nga lidhja e marrëveshjes për bashkim ose përftim kontrolli, si dhe nga publikimi i ofertës për blerje ose shkëmbim. Theksojmë këtu faktin që edhe një marrëveshje me gojë e palëve që shesin apo blejnë konsiderohet përqendrim dhe duhet njoftuar brenda një jave në A.K, por gjithmonë kur plotësojnë kufirin e xhiros. (Neni 12, pika 2. Përqendrimet e parashikuara në pikën 1 të këtij neni njoftohen brenda një jave nga lidhja e marrëveshjes për bashkim ose për përftim kontrolli, si dhe nga publikimi i ofertës publike për blerje ose shkëmbim).

Theksojmë se koncepti i përqendrimit, detyrimi për njoftim apo e gjithë procedura e kontrollit të përqendrimeve të parashikuara në ligjin 9121, datë 28.7.2003 “Për Mbrojtjen e Konkurrencës”, është e njëjtë me atë që parashikon legjislacioni europian. Në këtë kontekst, si dhe në zbatim të detyrimit të përcaktuar në nenin 84 të ligjit, është dhe:

a) “Rregullorja për zbatimin e procedurave të përqendrimit të ndërmarrjeve”(shiko te Rregullore-arkive  per te download  Rregulloren)

b) Udhëzimi për formën e njoftimit të përqendrimit (shiko tek Udhezime dhe Formular-arkive per te download Udhezimin) dhe Formularin për njoftimin e përqendrim (shiko tek Udhezime dhe Formular-arkive per te download Formularin), të cilat u vihen në dispozicion palëve që kanë detyrimin për njoftimin e përqendrimit. Aktet nënligjore të mësipërme janë konform legjislacionit eurpian për këtë qëllim.
 

Pavarësisht nga kjo, është Autoriteti i Konkurrencës (Sekretariati) që vendos që pala njoftuese të përdorë formën e thjeshtuar të njoftimit.

• faza e procedurës paraprake (2 muaj)
• faza e procedurës së thelluar (3 muaj)

Në një procedurë njoftimi të përqendrimit, Autoriteti i Konkurrencës fton edhe palë të treta që mendon se mund të preken direkt apo indirekt me këtë përqendrim.

Procedura e thelluar hapet vetëm në rastet kur përqëndrimi i realizuar dhe i njoftuar shfaq shenja të krijimit apo të forcimit të pozitës dominuese dhe kjo procedurë fillon me vendim të Komisionit.

ç) nuk njofton një përqendrim sipas neneve 10 dhe 12 të këtij ligji;

Autorizimi ose jo i një përqendrimi është e drejtë ekskluzive e Autoritetit të Konkurrencës dhe nuk mund të kthehet as nga Gjykata. Neni 65, pika 3 e ligjit"Nuk i nënshtrohen juridiksionit të gjykatave kërkesat për përjashtim nga një marrëveshje e ndaluar dhe procedurat e kontrollit të përqendrimeve.